Кога традицијата живее во најмладите, таа има иднина.Со особена чест и искрена благодарност, ООУ „Страшо Пинџур“ ја прими благодарницата од Општина Кавадарци и градоначалникот Митко Јанчев за учеството на Детскиот карневал, во рамките на манифестацијата „Тиквешки гроздобер“.
Тиквешкиот гроздобер не е само празник. Тој е приказна што со генерации се пренесува – приказна за нашиот крај, за лозарството и виното, за песната, традицијата и гостопримството. А кога во таа приказна ќе се вклучат децата, таа добива една поинаква, најубава димензија.
Нашите ученици со својата креативност, детска искреност и радост беа дел од таа традиција, покажувајќи дека културното наследство не се чува само со зборови – се живее, се создава и се пренесува од поколение на поколение.
Затоа оваа благодарница ја доживуваме како признание не само за едно учество, туку и за вложениот труд, ентузијазмот и љубовта со која нашите ученици ја претставуваат својата училишна заедница.
Им благодариме на Општина Кавадарци и на градоначалникот Митко Јанчев за поддршката, вниманието и можноста нашите деца да бидат дел од настан кој ја чува традицијата, а истовремено им создава убави спомени на најмладите.
Зашто традицијата е најжива тогаш кога детските очи ја гледаат, детските срца ја чувствуваат, а детските чекори ја носат понатаму. 
Со почит и благодарност,
ООУ „Страшо Пинџур“
