По повод манифестацијата „Тиквешки гроздобер-2022“, учениците од ООУ„Страшо Пинџур “Кавадарци зедоа активно учество во Винскиот карневал.
За збогатување на карневалското дефиле беа ангажирани повеќе ученици кои со гордост го прифатија предизвикот оваа година достојно да го претстават славењето на грозјето, виното и лозарството.
Поставката која продефилира на кавадаречкиот плоштад беше составена од соодветно костимографирани ученици од VI до IX одд.кои го претставуваа Училишниот спорт беа предводени од наставниците по ФЗО ,Милан Колев,Кире Василев и Јован Лиотиковски,симболот на ЕУ ни го претставија учениците од IIIa одд.предводени од наставничките Стефка Саздовска и Дијана Бојкова, соодветен перформанс кој претставуваше прослава на виното и грозјето низ вековите до денес беа учениците од IVб одд. предводени од наставничката Весна Ризова и Надица Јованова ,како и учениците од Va и Vб одд. предводени од наставничките Софија Јосифова и Силвана Лазова.
