ООУ „Страшо Пинџур“ Кавадарци

Меѓуетничка интеграција на младите во образованието - МИО

Заедничките МИО активности помеѓу двете училишта ООУ „Страшо Пинџур“ од Кавадарци и „Наим Фрашери“ од с.Неготино, Општина Врапчиште.

Tимот на МИО од нашето училиште и во ова време на пандемија вредно работи и по добиениот мал грант на 17-05-2021година остварија заедички активности со партнер училиштето од ООУ ,,Наим Фрашери ,, Неготино Полошко – Општина Врапчиште,Гостивар

Се реализираа две работилници во кои учество земаа учениците од предметна настава со своите наставници Роза Атанасова и Горан Крстев.

Претходо со одговорните наставници од партнер училиштето имавме повеќе онлајн состаноци на кои се договоривме за текот на активностите.

Во ликовната активност – УМЕТНОСТА Е НАШИОТ ЈАЗИК земаа учество 16 ученика кои твореа ликовни творби на слободна тема.Ликовите творби ги испративме на нивните врсници од партнер училиштето ,а пак тие ни ги испратија своите.Учениците имаа за задача да напишат критика за една творба .Комуникацијата меѓу овие ученици беше на англиски јазик.Активноста помина во најдобар ред и уште еднаш нашите ученици потврдија дека можат да одговорат на сите предизвици.

Активноста по музичко образование не воодушеви сите и се потврди правилото дека музиката нема граници.

Нашиот хор под раководство на Горан Крстев подготви прекрасна албанска песна која учениците мошне брзо и лесно ја совладаа и успешно ја презентираа.Исто така и учениците од партнер училиштето научија македонска песна и прекрасно ја исполнија.

Благодарност до директорката Илинка Бакева и сите наставници и ученици кои учествуваа на оваа денешна заедничка средба со желби следната да биде со физичко присуство.

кординатор Милка Маневска

Shkolla Fillore “Naim Frashëri” Negotinë

Заедничките МИО активности помеѓу двете училишта ООУ „Страшо Пинџур“ од Кавадарци и „Наим Фрашери“ од с.Неготино, Општина Врапчиште.

Активноста по музичко образование не воодушеви сите и се потврди правилото дека музиката нема граници.

кординатор Милка Маневска

Shkolla Fillore “Naim Frashëri” Negotinë

Остварување соработка со партнер училиште за реализација на проектот за Меѓуетничка интеграција на младите во образованието

На 27.09.2019 година, петок беше остварена првата средба со новото партнер училиште, ,,Наим Фрашери” од с. Неготино, Општина Врапчише. На оваа средба директорите на двете училишта го потпишаа меморандумот за новатата соработка во иднина, со цел градење на подобар соживот, стекнување на нови пријателства, надминување на етничките разлики меѓу учениците и зајакнување на мултикултурниот дух преку реализација на заеднички активности. Оваа прва средба меѓу двете партнер училишта нека биде почеток на една добра, плодна и успешна соработка!

Посета на ООУ,, Мустафа Кемал Ататурк,, Гостивар

На ден 05.11.2015 година, четврток,ООУ „Страшо Пинџур“ – Кавадарци беше во посета на своето партнер училиште ООУ „Мустафа Кемал Ататурк“ во Гостивар, при што се реализираа втората и третата заедничка активност планирани со програмата во учебната 2014/2015 година како и оние активности кои влегуваат во програмата за оваа учебна година.Во активностите беа вклучени 34 ученици од македонска националност и 3 наставници, како и 34 ученици од турска националност и 3 наставници и тоа:

– Заеднички настап на хоровите со изведба на една македонска и две турски песни;

-Спортски игри (во мешан состав) фудбал и кошарка;

-Работилница по географија „ Вселената и Сончевиот систем“ и

-Реализација на заеднички излет на изворот на реката Вардар – Вруток

Соработката меѓу двете училишта продолжува успешно бидејќи целта не може да се оствари без двострана волја, упорност и труд за успех!

Втора фаза на активности од проектот МИО

На 09.04.2015 година во нашето училиште се реализира втора фаза на активности од проектот МИО со нашето партнер училиште од Гостивар „Мустафа Кемал Ататурк“ и ООМБУ„Лазо Мицев Рале“ од Кавадарци, во кои беа вклучени учениците од I до IX oдделение.
Заедничките активности кои се реализираа беа следниве:
1. Музичка активност од страна на наставниците од ООМБУ„Лазо Мицев Рале“-Кавадарци и учениците.
2. Спортска активност во која беа вклучени ученици од VI до IX одделение.
3. Велигденска работилница „Шарање велигденски јајца“ со учениците од III одделение и презентација на тема „Гостивар – убав град“
4. Велигденска работилница-Вапсање и шарање велигденски јајца
5. Православни обичаи по повод Велигден, како и следење презентација на тема „Запознавање со градот Гостивар, местоположба, знаменитости, култура, традиции, обичаи и култура“
Активностите ги поддржа и Локалната самоуправа на град Кавадарци а претставник кој беше присутен при реализација на истите беше Петседателот на Совет на општина Кавадарци – м-р Горица Пеливанова-Вилхелм. Во 14:30 во просториите на нашето училиште беше отворен велигденски базар на кој беа промовирани и продавани рачни изработки на наставниците, учениците и родителите. Воедно се одржа и коктел со богата трпеза подготвена од вештите раце на вредните родители на кој присуствуваа учениците, наставниците и родителите. Супервизија на активностите се изврши од страна на координаторот на проектот за МИО – Ана Пискачева со останати претставници на УСАИД која со високо мислење ја оцени успешно реализираната фаза од проектот. Со овие активности јасно се утврди моќта на детскиот говор, желбата за другарство и соживот. Денешниот ден во нашето училиште беше свет без граници! Да ги следиме примерите на децата – учениците! Ќе продолжиме со зацврстување на темелите кои ги поставивме а кои значат само едно – верба во концептот за мултикултурализам!

Ви благодариме на соработката!

Заедничките МИО активности помеѓу двете училишта ООУ „Страшо Пинџур“ од Кавадарци и „Наим Фрашери“ од с.Неготино, Општина Врапчиште.

На ден 04.12.2020г. Се одржаа заедничките МИО активности помеѓу двете училишта ООУ „Страшо Пинџур“ од Кавадарци и „Наим Фрашери“ од с.Неготино, Општина Врапчиште.

Во активноста свое учество зедоа учениците и наставниците од двете училишта, каде преку заедничко планирање, изработка на работни материјали и обезбедување на услови за успешна реализација на работилниците, со свои знаења се претставија учениците по географија, математика и учениците од петто одделение.

Меѓусебно дружење, стекнување вештини за донесување на заеднички одлуки, развиени ставови за комуникација со почитување на мислењето на другиот, решавање на проблеми и градење доверба кон членовите на тимот со цел успешна реализација на задачите од активностите се дел од придобивките од оваа меѓусебно дружење.Низ игра и интерактивно дружење се усвојуваа знаења и се учеше дека со заедничко залагање се напредува и дека синергијата не води напред кон успех. Исказите на учениците и нивните насмеани и весели лица, изработки на задачи и цртежи, иако во овие тешки услови на пандемија Covid-19 и online дружење, ни покажаа дека Светот- тоа сме сите ние .

26

Соработка со партнер училиштето,,Наим Фрашери,,с.Неготино,Општина Врапчиште

Со добивање на малиот грант,денеска,21.02.2020год. тимот за ПМИО од Нашето училиште во соработка со партнер училиштето,,Наим Фрашери,,с.Неготино,Општина Врапчиште,беше во работна средба.На истата беа дефинирани активностите кои ќе се реализираат на 18.03.2020год. во нашето училиште. Искуствата,знаењата,љубопитноста од вработените беа преточени во одлично продолжување на соработката.Им благодариме на колегите за добриот пречек…